अर्जुन जम्नेली राई मोरङ
पथरीशनिश्चरे नगरपालिका मोरङमा १ नम्बर प्रदेश स्तरीय प्रथम सी.एम. कन्दङ्वा टी. ट्वान्टी क्रिकेट प्रतियोगिता हुने भएको छ । पथरीशनिश्चरे क्रिकेट क्लबको आयोजना र एभरेष्ट अंग्रेजी आवासीय माध्यामिक विद्यालय मोरङको सहकार्यमा जेठ ५ देखि हप्तादिनसम्म प्रतियोगिता हुने भएको छ । आज(बैशाख २७) पत्रकार सम्मेलनको आयोजना गरी आयोजकले सो कुरा जनाएको हो ।
प्रतियोगितामा झापा, मोरङ र सुनसरीको १४ वटा टिम सहभागीहुने आयोजक क्वबका अध्यक्ष अरुण राईले बताए । पथरीशनिश्चरे नगर स्थित पथरी रंगशालामाहुने प्रतियोगिताको विजेता र उपविजेता टिमलाई क्रमस ३५ र २० हजार नगर, ट्रफी र प्रमाणपत्र प्रदान गरिने आयोजकले जनाएको छ । सी.एम.(चन्द्रमान)कन्दङ्वा मोरङ पथरीमा स्थापित एभरेष्ट अंग्रेजी आवासीय माध्यमिक विद्यालयका संस्थापक हुन् ।
२०६२ फागुन २५ गते ७७ बर्षको उमेरमा दिगंवत कन्दङ्वाको सम्झना र सम्माणमा क्रिकेट प्रतियोगिताको लागि प्रायोजना गरिएको एभरेष्टका वर्तमान सञ्चालक रविन कन्दङ्वाले बताए । रविन सी.एम.का छोरा हुन् ।
