केही दिन अघि भाइरल बनेका झापा दमकका बालक अशोक दर्जीको गीत युट्युव ट्रेन्डिङको पहिलो नम्बरमा परेको छ । संगीतकार टंक बुढाथोकीको संगीतमा रहेको गीत युट्युबमा बुधवार दिँउसो सार्वजनिक गरिएका थियो ।
‘मन विनाको धन ठुलो की धन बिनाको मन’ बोलको गीतमा बुढाथोकीसँगै दर्जीेको स्वर रहेको छ । गीतमा बिराज नेपालको शब्द रहेको छ । काठमाडौं पुतलिसडक स्थित स्टुडियो नाइनमा तयार गरिएको हो ।
सार्वजनिक गरिएको २४ घण्टामै ट्रेन्डिङको पहिलो नम्बरमा पुगेको हो । भिडियोलाई १० लाख बढीले हेरिसकेका छन् । परिवारको आर्थिक अवस्था कमजोर भएपछि दर्जी बाटोमा गित गाउँदै हिँड्थे । पढाइ समेत छाडेका दर्जीले बाटोमा गाएको गित डिजे रुपकले फेसबुक लाइभ गरेपछि उनको चर्चा सुरु हुन थालेको थियो ।
पछि उनको प्रतिभालाई बाहिर ल्याउनका लागि टंक बुढाथोकीले आफ्नो लय र संगीतमा रहेको उक्त गीत गाउन अवसर दिएका थिए । भिडियोमा भुपेन्द्र तुम्बाहाम्फेको छायाँकन रहेको छ । भिडियोमा १२ हजार बढी कमेन्ट आएका छन् ।
हेर्नुहोस् भिडियोः
https://www.youtube.com/watch?v=05VjIRaxQAU
