उदयपुर । पाँचौ संस्करणको उदयपुर गोल्ड कप फुटबल प्रतियोगिताको आज भएको भएको उद्घाटन खेलमा रमपम झापा ११ ले विजयी शुरुवात गरेको छ । रमपम झापा ११ ले रुपन्देहीलाई १ –० गो अन्तरले पराजित गर्दै अघिल्लो चरणमा प्रवेश गरेको हो । झापाको लागि खेलको ७९ औं मिनेटमा कर्ण लिम्वुले गरेको गोल निर्णाण्क बन्यो । खेलको पहिलो हाफसम्म दुवै टिम बराबरीमा खेलेका थिए । जीत सहित झापा प्रतियोगीताको सेमिफाईनलमा प्रवेश गरेको छ ।
नकआउटका आधारमा खेलाईएको प्रतियोगीतामा भोलि हुने खेलमा मनाङ मस्र्याङदी क्लब र उदयपुर ११ बीच हुनेछ । आजको खेलको म्यान अफ दी म्याच झापाका छिरिङ्ग गुरुङ घोषित भए । उनलाई नगद ७ हजार सहित चौडण्डीगढी नगरपालिका मेयर खगेन्द्र राईले पुस्कृत गरे । जेठ ५ गते सम्म संचालन हुने प्रतियोगीताको राष्ट्रिय स्तरका ए डिभिजन क्लब सहित आठ वटा टिमको सहमागीता रहेको आयोजनक समितिका संयोजक किरण राइले बताए । सदरमुकामस्थित थारुहट रंगशालमा भएको प्रतियोगीताको प्रदेश एकका मुख्यमन्त्री शेरधन राईले उद्घाटन गरेका थिए ।
