काठमाडौं, २९ वैशाख । लामो प्रतिक्षा पछि नेपालका युवा स्टार सन्दीप लामिछानेले दिल्ली डेयरडेभिल्सको लागि आईपीएलमा डेब्यु गर्दैछन् । आज हुने रोयल च्यालेन्जर्स बैंगलोर विरुद्धको खेलमा सन्दीपले खेल्ने पक्का भएको हो ।
सन्दीपलाई यस सिजनको आईपीएल अक्सनमा दिल्लीले अनुबन्धन गरेपछि उनी आईपीएलमा छानीने पहिलो नेपाली खेलाडि बनेका थिए । आजको खेल खेल्दै सन्दीप आईपीएलको खेल खेल्ने पहिलो नेपाली खेलाडि पनि बन्न सफल भएका छन् ।
सुरुवात कै खेलहरुमा सन्दीपले खेल्न पाउँछन् जस्तो भएपनि दिल्लीसँग ३ जना भारतीय स्पीनर भएकोले पनि सन्दीपले सुरुवातमै खेल्न नपाएका हुन् । आजक खेलमा राम्रो खेलेमा आउने दिनमा थप खेलमा खेल्ने मौका पाउने देखिन्छ ।
