काँकरभिट्टा । झापा मेचीनगर ६ काँकभिट्टास्थित पाथिभरा प्रिन्टिङ प्रेसका प्रोपाइटर विकास देवकोटाले आफ्नो जन्मदिनको अवसर पारेर जागृत बाल उद्धार केन्द्रलाई खाद्यान्न सामग्री सहयोग गरेका छन् ।
३४ औं जन्मदिनको अवसरमा उनले सो केन्द्रमा आश्रित बालबालिकाहरुको सहयोगार्थ १० हजार रुपैयाँ मूल्य बराबरका चामल, तेल, मुराईलगायत खाद्यान्न सामाग्री सहयोग गरेका हुन् । सामाजिक क्षेत्रमा पनि उत्तिकै क्रियाशील देवकोटा युवा व्यवसायी हुन् । उनले सञ्चालन गरेको प्रिन्ट प्रेस मेचीनगरकै उत्कृष्ट प्रेसको रुपमा रहेको छ ।
उक्त केन्द्रमा अहिले १५ जना बालबालिका आश्रित छन् । उनीहरुको संरक्षणका लागि विगत ७ वर्षदेखि काँकरभिट्टामा केन्द्र सञ्चालन गर्दै आइएको संस्थाका अध्यक्ष अर्जुन देवकोटा बताए ।
