सुनवल । रामनगर जेसीजको आयोजनामा लागु औषध दुव्र्यसनी न्यूनिकरयण सम्बन्धी एक दिने सचेतना कार्यक्रम सम्पन्न भएको छ ।
सुनवल नगरपालिका वडा नम्बर १२ को आर्थिक सहयोगमा भएको सचेतना कार्यक्रममा २ सय भन्दा बढीको सहभागिता रहेको थियो । रामनगर जेसीजका वर्ष २०१८ का अध्यक्ष भोजराज चापागाईको सभापतित्व तथा सुनवल नगरपालिका वडा नम्बर १२ का अध्यक्ष यमलाल पाण्डेको प्रमुख आतिथ्यतामा सम्पन्न कार्यक्रममा जिल्ला ट्राफिक प्रमुख धमेन्द्र रावल, इलाका प्रहरी कार्यालय सुनवलका प्रमुख जेसी शाह, शाखाका संस्थापक अध्यक्ष डोलराज भण्डारी, निवर्तमान अध्यक्ष ढुण्डीराज भट्टराई, सुनवल नगरपालिकाका कार्यपालिका सदस्य अर्जुन सुतार, रामग्राम जेसीजका अध्यक्ष मुक्ति पौडेललगायतले लागु ओषध दुव्र्यसनी अभियानमा रामनगर जेसीजले खेलेको भूमिकाको प्रशंसा गरेका थिए । कार्यक्रमको सञ्चालन महासचिव हिमा न्यौपानेले गरेकी थिइन् ।
