लक्ष्मीमार्ग १३ जेठ । बेलवारी नगरपालीकाको ११ नम्वर वडा लक्ष्मीमार्ग स्थीत रहेको युनाईटेड युथ क्लवले आईतवार वडाभरी सरसफाई कार्यक्रम सम्पन्न गरेको छ ।
बेलवारी नगरपालीको सहकार्यमा एक दिने फोहोर मैला व्यवस्थापन तथा कार्यसाला गोष्ठी सम्पन्न भएको हो । नगर प्रमुख ज्ञानेन्द्र सुवेदिको प्रमुख आतिथ्यमा भएको उक्त कार्यक्रममा बोल्दै प्रमुख सुवेदिले यस ठाँउको फोहोर मैला व्यवस्थापनमा मुख्य डम्पीङ गर्ने स्थान र सकलन गर्ने गाडिको व्यवस्था साथसाथै प्रसोधन केन्द्रको योजना समेतको चाँडैनै व्यवस्था गर्ने बताए । नगरपालीका घोषणा भएको एक वर्ष बित्दा समेत फोहोरमैला व्यवस्थापनमा नगरपालीकाले चासो नदेखाएको प्रति स्थानीय चिन्तीत देखिन्थे । क्लवका अध्यक्ष अजित अधिकारीको अगुवाहिमा बिभिन्न बिद्यालय, संघसंस्था लगायत स्थानीय हरुको सहभागितामा भएको उक्त कार्यक्रममा ब्यानर तथा प्ले कार्ड बोकेर वडा परिक्रमा गर्नुको साथै भिजियोलको माध्यम बाट नगरपालीकाका अधिकृत महेन्द्र खड्काले प्रशिक्षित गरेका थिए । सोहि दिन वडा भरी ८४ वडा स्टेण्ड सहितको फोहोर संकलन गर्ने डस्टविन समेत राखिएको क्लवका सचिव शिव काफ्लेले बताए ।
