झापा । झापाको मेचीनगर नगरपालिका ५ मा जारी युवासंघ नेपाल अन्तर वार्ड स्तरीय फुटवल प्रतियोगितामा आज सम्पन्न खेलमा मेचीनगर नगरपालिका वडा नम्बर १ र ३ विजयी भएका छन । क्वाटरफाइनल अन्तर्गत आजको पहिलो खेलमा मेचीनगर एकले २ लाई ४ तीन गोल अन्तरले पराजित गरेको छ । मेचीनगर एकका लागि रविन मगरले ह्याट्रिक गरेका थिए भने कृष्ण लिम्बुले एक गोल गरेका थिए । मेचीनगर २ का प्रदिप विष्टले २ तथा बसन्त तामाङले एक गोल गरे पनि त्यो जीतका लागि पर्याप्त भएन । त्यस्तै दोस्रो खेलमा मेचीनगर ३ ले मेचीनगर ८ लाई टाइब्रेकर ४ दुई गोल अन्तरले पराजित गर्यो । निर्धारित समयमा दुवै टोलीले एक एक गोलको बराबरी खेलेपछि खेल टाइब्रेकरमा ढकेलिएको थियो । आजको खेलमा विजयी भएसँगै मेचीनगर एक र ३ सेमिफाइनलमा प्रवेश गरेका छन । प्रतियोगिता अन्तर्गत भोली हुने दोस्रो क्वाटरफाइनलको खेलमा मेचीनगर १५ ले १० को सामना गर्दा मेचीनगर १३ ले ५ सँग प्रतिष्पर्धा गर्ने आयोजक समिति अध्यक्ष तिलक बस्नेतले जानकारी दिनुभयो ।
