बाहुनडाँगी । मेचीनगर नगरपालिका ३ वडा समितिले १ सय १ वर्षकी बृद्धासहित १ सय ५० जनालाई एकैसाथ सम्मान गरेको छ । सम्मान पाएपछि उनीहरुमा अझ केही वर्ष बाँच्न सक्ने आत्माबल पलाएको प्रतियक्रिया दिए ।
वडा कार्यालयमा आयेजित सम्मान कार्यक्रममा वडा भित्र रहेका ७५ वर्ष भन्दा माथिका बृद्धबृद्धाहरुलाई सामुहिक सम्मान गरेको हो । जसमा १ सय १ वर्षकी पार्वती पौडेलसहित उनीहरुलाई सामुहिक सम्मान गरेको थियो ।
मेचीनगर नगरपालिकाका मेयर विमल आचार्यको प्रमुख आतिथ्यता तथा वडा नम्बर ३ का वडा अध्यक्ष हर्क बस्नेतको सभापतित्वमा सम्पन्न कार्यक्रममा उपमेयर मिना उप्रेतीले बृद्धाहरुको सम्मानले उहाँहरुको आत्माबल बढ्ने बताइन् ।
कार्यक्रममा स्थानीय राजनीतिक दल, विभिन्न सामाजिक संघ संस्थाका प्रतिनिधि, नगर सदस्यहरुको सहभागिता रहेको थियो । वडा सदस्य रिता थापाले स्वागत गरेको कार्यक्रमको सञ्चालन सदस्य चन्द्रकुमार बोहोराले गरेका थिए ।
