पथरी शनिश्चरे १ मोरङमा अवस्थीत पञ्चायत माविले ३९ औँ वार्षिक उत्सव तथा अभिभावक दिवश मनाउने भएको छ । यही जेष्ठ १८ गते हुने कार्यक्रममा सहयोग दाता सम्मान, उत्कृष्ट अभिभावक सम्मान, उत्कृष्ट शिक्षक तथा कर्मचारी सम्मान, विद्यार्थी पुरस्कार तथा पोशाक वितरण विद्यालयको प्रगती तथा अर्थिक प्रतिवेदन प्रस्तुत र विभिन्न सांस्कृतिक कार्यक्रम गरिने प्रधानध्यापक अर्जुन कुमार बुढाथोकीले जानकारी दिनुभएको छ ।
१७ गते श्रोत केन्द्र स्तरीय सामुहिक नृत्य प्रतियोगिता गरिने जनाइएको छ । नृत्य प्रतियोगिताका विजेताहरुलाई पनि १८ गते नै पुरस्कार वितरण गरिने बुढाथोकीले जानकारी दिनुभयो । २०३६ सालमा स्थापना भएको यस विद्यालयमा हाल प्रविधिक धार तर्फ पनि कक्षाहरु संचालन भइरहेका छन् ।
