दुलेगौडा ।
तनहुँ खबर राष्ट्रिय दैनिकका ब्यवस्थापक पत्रकार अशोक विश्वकर्मा र ढोरबाराही एफएम दुलेगौडाका स्टेशन म्यानेजर राजकुमार आलेसहित ५ जना पत्रकार सम्मानित भएका छन् । ११ औ गणतन्त्र दिवसको अवसरमा शुक्लागण्डकी नगरपालिका वडा न १२ ले उनीहरुलाई सम्मान गरेको हो ।
वडा कार्यालयले वडा तथा फिरफिरे क्षेत्रको प्रचार प्रसारमा सञ्चार माध्याम मार्फत सहयोग पु¥याएको उच्च मुल्यांकन गर्दै उनीहरुलाई सम्मान गरेको हो । सम्मानित हुने अन्य पत्रकारहरुमा पत्रकार विश्वकर्मा सँगै कान्तीपुर मिडिया ग्रुपका लाल प्रसाद शर्मा, गण्डकी टेलिभिजन पोखराका गणेश पौडेल, शुक्लागण्डकी एफएम दुलेगौडाका स्टेशन म्यानेजर राजन उपाध्याय रहेका छन् । उनीहरुलाई वडा न १२ का वडाध्क्ष मनराज गुरुङ्ग, प्रदेश सांसद आशा कोइराला, तथा शुक्लागण्डकी नगरपालिका प्रमुख किसान गुरुङ्गले प्रशंसापत्र सहित सम्मान गरेका थिए ।
