उर्लाबारी, जेठ १८ । निम्न वर्ग परिवारमा जन्मिएका झापा दमकका बालगायक अशोक दर्जीको घर बिहिबार शिलन्यास गरिएको छ ।
गायक टंक बुढाथोकी र घर निर्माण समितिका संयोजक पूर्ण वाईबाले घरको शिलान्यास गरेका हुन् ।
घर निर्माणका लागी १० धुर जग्गा खरीद गरिएको छ ।
करीव १० लाखको लागतमा ३ कोठे घर निर्माण गर्नें योजना रहेको स्रोतले जनाएको छ । २० दिन भित्रमा घर निर्माण कार्य सकिने संयोजक पूर्ण वाईबाले जानकारी दिएका छन् ।
पहिलो गीत मन बिनाको धन ठूलोकी धन बिनाको मन हिट् भएसँगै उनी पछिल्लो समय सामाजिक सञ्जालमा निकै भाइरल भइरहेका छन् ।
निम्न वर्ग परिवारमा जन्मिएका दर्जीमा सानो उमेर मै निकै अदभूत गायन क्षमता भएको छ । जसले गर्दा छोटो समयमा नै उनी चर्चामा रहेका छन् ।