बाह्रदशी १८ जेठ । भगवती आधारभूत विद्यालय बाह््रदशीको ४१ औँ वार्षिकोत्सव शुक्रवार विविध कार्यक्रमका साथ सम्पन्न भएको छ ।
विद्यालयमा आयोजित वार्षिकोत्सवको अवसर पारेर विद्यालयले दुई जना उत्कृष्ट शिक्षकलाई सम्मान गरेको छ । यसरी सम्मानित हुनेहरुमा शिक्षक रामसिंह राजवंशी र इन्द्रवती राजवंशी रहेका छन् ।
विदालय व्यवस्थापन समितिका अध्यक्ष इमाजु हुसेनको सभापतित्व तथा बाह््रदशी गाउँपालिकाका अध्यक्ष खड्गबहादुर राजवंशीको प्रमुख आतिथ्यतामा सम्पन्न कार्यक्रममा बाह््रदशी स्रोत केन्द्रका स्रोत व्यक्ति छवि बस्नेत, गाउँ पालिका उपाध्यक्ष रत्ना राजवंशी, वडा नम्बर २ का वडा अध्यक्ष यादव मिश्र, जग्गादाता तथा संस्थापक खड्ग राजवंशी, वडा सदस्य मीना सेन्चुरी, पूर्व प्रधानाध्यापक सोभितमान तामाङ, विद्यालयका पूर्व सदस्य भीम कार्कीलगायतले बोलेका थिए । विद्यालयका प्रधानाध्यापक गणेश गिरीले विद्यालयको प्रतिवेदन प्रस्तुत गरेका थिए । कार्यक्रमको सञ्चालन आशाक क्षेत्री र महेशकुमार विष्टले गरेका थिए ।