झापा । विश्व वातावरण दिवसको अवसर पारेर थेसीस बाल क्लब मेचीनगर ३ झापाका विद्यार्थीहरुले अभिभावकलाई विरुवा प्रदान गरेका छन् ।
विद्यालयमा आयोजित कार्यक्रममा विद्यार्थीहरुले एक अभिभावक एक विरुवाको नाराका साथ विरुवा विभिन्न जाताका वितरण गरेका हुन् । विद्यार्थीहरुले विद्यालय र नजिकै रहेको दोकानडाँडामा पुगेर विरुवा हस्तान्तरण गरेका प्रिन्सिपल डम्बर रुचालले बताए । यसैगरी, सोही अवसरमा नृत्य गायन तथा जनचेतना मूलक कार्यक्रमको आयोजना गरेका थिए । कार्यक्रमको सञ्चालन शिक्षक शरण बानियाँको नेतृत्वमा विद्यार्थीहरु रश्मि तामाङ रिजा तामाङ र प्रयास दाहालले आलो पालो गरेका थिए ।
