झापा । आयोजक बाहुनडाँगी युवा क्लब यहाँ जारी फन्दासिंह स्मृति जिल्लास्तरीय फुटबल प्रतियोगिताको फाइनलमा प्रवेश गरेको छ ।
मंगलवार सम्पन्न अन्तिम सेमीफाइनल खेलमा काँकरभिट्टा फुटबल ट्रेनिङ सेन्टरलाई ५–१ को फराकिलो गोल अन्तरले पाखा लगाउँदै फाइनलको यात्रालाई सुरक्षित गरेको हो । यो जितसँगै बाहुनडाँगीले बिहिवार हुने फाइनल खेलमा शनिश्चरे फुटबल क्लबसँगको भेटलाई पक्का गरेको छ । सोमवार भएको पहिलो सेमीफाइनल खेलमा मुनाल क्लबलाई हराउँदै शनिश्चरेले फाइनलमा आफुलाई सुरक्षित गरेको थियो ।
जितका लागि बाहुनडाँगीका तर्फबाट पुजन राईले २, रोमन मेचे, रोशन आचार्य, रविन मगरले १/१ गोल गरेका थिए ।
सेन्टरका तर्फबाट गमिरगिल्सन कन्दङवाले सान्तवना १ गोल गरेका थिए ।
खेलको म्यान अफ द म्याच विजेता टिमका पुजन राई भए ।
उनलाई सुजित अधिकारीले प्रदान गरेको नगद २ हजार रुपैयाँ क्लबका अध्यक्ष पोशक दर्जी र सुजित अधिकारीले प्रादन गरे ।
प्रतियोगितामा विजेता टिमले नगद ६१ हजार र उपविजेता टिमले नगद ३१ हजार पाउने सह आयोजक बाहुनडाँगी जेसीजका अध्यक्ष जीवन दर्जीले बताए ।
