तत्कालीन एमाले र माओवादी केन्द्र एकीकरण भर्इ बनेको नेपाल कम्युनिस्ट पार्टी (नेकपा) निर्वाचन आयोगमा दर्ता भएकाे छ । निर्वाचन अायाेगले अाज नेकपा दर्ता गरेकाे हाे ।
केन्द्रीय समितिमा ३३ प्रतिशत महिलाकाे संख्या नपुर्याए पनि नेकपालार्इ निर्वाचन अायाेगले दर्ता गरेकाे हाे । नेकपाले अागामी महाधिवेशनबाट महिलाकाे संख्या पुर्याउने गरी दलकाे मान्यता पाएकाे हाे ।
अाज बसेको आयोगको बैठकले नेपाल कम्युनिष्ट पार्टी (नेकपा) लाई दल दर्ताको मान्यता दिएको निर्वाचन आयुक्त नरेन्द्र दाहालले जानकारी दिए । पार्टी एकीकरणपछि नेकपाले ३ जेठमा निर्वाचन आयोगमा पार्टी दर्ताका लागि निवेदन दिएको थियो ।
तर, अायाेगमा ऋषि कट्टेलकाे नेतृत्वमा यसअघि नै नेपाल कम्युनिष्ट पार्टी नामकाे दल दर्ता रहेकाले एकीकृत पार्टीले नेपाल कम्युनिस्ट पार्टी ‘अण्डरलाईन’ दर्ताका लागि निवेदन दिएकाे थियाे ।
तत्कालीन समयमा अध्यक्षद्वय केपी ओली र पुष्पकमल दाहाल‘प्रचण्ड’को निर्णय अनुसार नेताद्वय सुवास नेम्बाङ र देव गुरुङले नेपाल कम्युनिस्ट पार्टी (नेकपा) नाम परिवर्तनका लागि निवेदन दिएका थिए ।
नेता नेम्बाङले आयोगको बुधबारको बैठकले दलको हैसियतमा कानुनी मान्यता दिएको जानकारी दिँदै बिहीबार दिउँसाे १ बजे आयोगले प्रमाणपत्र लिनका लागि आमन्त्रण गरेको बताए ।
