२५ जेष्ठ २०७५
भीमराज अधिकारी, पथरी
मोरङको पथरीशनिश्चरे ७ किर्तिपुरमा आजदेखि तेस्रो किर्तिपुर गोल्डकप फुटवल प्रतियोगीता सुरु भएको छ ।
आजको उदघाटन खेलमा सुनसरीको दङगा प्रहरी र झापाको दमक फुटवल क्लव बिच खेल भएको छ ।
सुनसरीको दङगा प्रहरीले ३ गोल गर्दै खेलको विजयी सुरुवात गरेको छ । पहिलो हाफको १६ र २९ मिनेटमा दङगाका वित्रम राईको पासलाई सही सदुपयोग गर्दै जर्सी न १७ का पुजन राईले पहिलो गोल गरेका थिए ।
पहिलो हाफको ३२ औ मिनेटमा दङगाका तर्फवाट जर्सी न १८ का बिक्रम राईले थप गोल गर्दै विजयी यात्रा सुनिश्चीत गरेका थिए । दमक फुटवल क्लवका तर्फ वाट १ मात्र सान्तवना गोल जर्सी न ८ का शुसन कार्कीले गरे । दोस्रो हाफको ३० औ मिनेटमा दङगाका अजय थापामगरको डिबक्स एरियामा हेन्ड वल भएपछि पाएको मौकाको सदुपयोग गर्दै कार्कीले पेनाल्टी मार्फत प्रहार गरेको वलले गोलको दिसा लिदा दमक फुटवल क्लवले १ गोल गर्न पुग्यो ।
आज भएको पहिलो खेलको म्यानअफ दि म्याच दङगाका पुजन राई घोषीत भए उनले नगद १ हजार ५ सय रुपैया हात पारेका छन् ।
८ वटा फुटवल क्लव सहभागी प्रतियोगीताको विजेताले १ लाख रुपयाँ र ट्रफि जित्ने छ भने उपविजेताले ५० हजार रुपयाँ र ट्रफि जित्ने आयोजकका अध्यक्ष दिवस खजुमले जानकारी दिएका छन ।
पुर्वका चर्चित फुटवल क्लवहरुको सहभागीता रहने आयोजकले जनाएको छ । भोलिको खेल जनजागृति फुटवल क्लव ईटहरी सुनसरी र आयोजकका विच हुनेछ ।
