देबु बानियाँ झापा ।
बुटवल । तिलोतमा जेसीजको संयोजनमा एक दिने प्रभावकारी संसदीय बैठक प्रणाली सम्बन्धी तालिम सम्पन्न भएको छ ।
रामनगर जेसीज, सुनवल जेसीज, भालवारी जेसीज, सैनामैना जेसीज, तिलोतमा जेसीज र देवदेह जेसीजको संयुक्त आयोजनामा भएको मल्टिच्याप्टर ट्रनिङमा ६ वटा शाखा ५५ जना जेसीजकर्मीहरुको सहभागिता रहेको थियो । तालिमको प्रशिक्षण नेपाल जेसीजका मुख्य तालिम प्रशिक्षक राजाबाबु शाहले दिएका दिनु भएको थियो । तालिम बुटवलको होटल एभन्युमा भएको थियो ।
नेपाल जेसीजका पूर्व राष्ट्रिय अध्यक्ष अनुपमान सैजुको प्रमुख आतिथ्यता तथा तिलोतमा जेसीज वर्ष २०१८ का अध्यक्ष ईश्वर पाण्डेको सभापतित्वमा सम्पन्न कार्यक्रममा नेपाल जेसीज वर्ष २०१८ का राष्ट्रिय उपाध्यक्षहरु विजय गुरुङ, विजय घिमिरे, पूर्व राष्ट्रिय कार्यकारी उपाध्यक्ष विनोद सुवेदी, बुटवल जेसीजका पूर्व अध्यक्ष दिनेश श्रेष्ठलगायतको उल्लेखीय सहभागिता रहेको थियो ।
रामनगर जेसीज वर्ष २०१८ की महासचिव हिमा न्यौपानेले आस्थापाठ गरेर सुरु गरेको कार्यक्रमको स्वागत भलवारी जेसीज वर्ष २०१८ का अध्यक्ष गोविन्द पङ्गेनी गर्नु भएको थियो । कार्यक्रमको सञ्चालन तिलोतमा जेसीजका महासचिव विदुर शर्माले गर्नु भएको थियो ।
