बाहुनडाँगी । महिलाहरुलाई उद्यमशिल बनाउने उदेश्यले मेचीनगर ४ झापाले एकै पटक दुई प्रकृतिको तालिम दिएको छ । शुभदिन महिला समूह मेचीनगर ४ का महिलाहरुलाई च्याउन खेती र माँ दुर्गा महिला समूहलाई गुडिया बनाउने तालिमको आयोजना गरेको हो ।
मेचीनगरपालिका वडा नम्बर ४ को आर्थिक सहयोगमा यी दुवै तालिमको आयोजना भएको हो ।
च्याउ खेती तालिममा समूहका ५२ जना सदस्यको सहभागि रहेको छ । तालिमको प्रशिक्षण च्याउ खेतीका अभियान्ता श्याम भट्टराईले गरेकासमूह की अध्यक्ष निता थापाले बताइन् ।
यसैगरी, माँ दुर्गा महिला समूहको आयोजनामा ६ दिने गुडिया बनाउने तालिम पनि सञ्चालन भइरहेको छ । मेचीनगर ४ आमडाँगीमा सुरु भएको तालिममा समूहका ८५ जना महिलाहरुको सहभागिता रहेको छ । महिला सक्षमता विकास कार्यक्रम अन्तरगत रहेका यस क्षेत्रका प्राय सबै महिलाहरुलाई समेटेर यो तालिमको आयोजना गरिएको संस्थाकी अध्यक्ष गंगामाया रञ्जितकारले बताइन् । वडा नम्बर ४ का वडा अध्यक्ष नविन बरालले यहाँका हरेक महिलाहरुलाई उद्यमशील बनाउने उदेश्यका साथ विभिन्न प्रकृतिका तालिमको आयोजना गरिएको बताए । उनले आगामी दिनमा समेत अन्य योजनाहरुका साथ महिला केन्द्रीत कार्यक्रम अगाडी ल्याउन बताए । 
