७ असार २०७५
भीमराज अधिकारी, पथरी
मोरङको पथरी शनिश्चरे ६ हसन्दह स्थीत आज बाल विवाह सम्बन्धि अभिमुखिकरण कार्यक्रम सम्पन्न भएको छ । वडा नं. ६ स्थीत रहेका ३ वटा सामुदायिक विद्यालय रामजानकी आधारभूत, दुर्गा आधारभूत र शिक्षा सदन आधारभूत विद्यालयमा सो कार्यक्रम सम्पन्न भएको हो । कार्यक्रमको सहजीकरण फरेन विराटनगरका कार्यक्रम सुपरभाइजर अर्जुन बास्तोलाले गर्नुभएको हो । 
वडाको बाल सञ्जालको कार्यक्रम अन्तरग आ.व ०७४÷०७५ का लागि विनियोजन भएको रकमबाट बाल अधिकार सम्बन्धिका कार्यक्रहरु अन्तरगत सो कार्यक्रम सम्पन्न भएको हो । यो भन्दा अगाडी बाल सञ्जालका पदाधिकारीहरुलाई बाल अधिकार सम्बन्धि अभिमूखिकरण कार्यक्रम सम्पन्न भइसकेको छ । अव वडामा रहेका बालकेन्द्रलाई दिइने खेलकुद तथा व्यवस्थापन वापतको रकम वितरण गरिने र यस वर्षको कार्यक्रम सम्पन्न गरिने वडा वालसंरक्षण सचिव दिलकुमार तामाङले बताउनुभयो ।
