उर्लाबारी असार १०
उर्लाबारी —९ निवासी युवा समाजसेवी सुन्दर श्रेष्ठले मोरङको रतुवामाई १० स्थित महेन्द्र माध्यमिक विद्यालयलाई वाल उद्यानका समाग्री सहयोग गर्नुभएको छ ।
आज विद्यालयमा एक कार्यक्रमका विच उहाँले २० हजार बराबरको पिङ र पिङमै जोडिएको चिप्लेटीको समाग्री सहयोग गर्नुभएको हो ।
उक्त समाग्री उहाँले विद्यालयका प्रधानाध्यापक चिरिन्जिवी निरौलाई हस्तान्तरण गर्नुभएको छ ।
वाल कक्षामा अध्ययनरत विद्यार्थीहरु खेलसँगै पढाईमा र विद्यालय आउन आकर्षित हुन भनेर सहयोग गरेको श्रेष्ठले बताउनुभयो ।
विद्यालय परिवारले सक्ने केहि सहयोग गरिदिनु भनेपछि मनका धनि श्रेष्ठले वालकक्षालाई सहयोग गर्नुभएको हो । श्रेष्ठले आगामि दिनमा पनि सहयोग गर्ने प्रतिवद्धता व्यक्त गर्नुभएको छ । उहाँले सामुदायिक विद्यालयको पठन पाठनको स्तरोउन्नती गर्नुपर्ने समेत सुझाप दिनुभएको छ ।
विद्यालयका प्रधानाध्यापक निरौलाले सहयोगी दाता श्रेष्ठलाई सहयोग प्रति धन्यवाद ब्यक्त गर्दै विद्यालयलाई नमुना विद्यालय बनाउनका लागि श्रेष्ठको सहयोगको पनि महत्वपूर्ण भुमिका रहने बताउनुभयो । कार्यक्रमको सन्चालन विद्यालयका शिक्षक महेन्द्र खुलालले गर्नुभएको थियो ।
