झापा, १० असार । मेची राजमार्ग अन्तर्गत बुद्धशान्ति— ३ मा भएको सवारी दुर्घटनामा परी एक जनाको मृत्यु भएको छ भने एक जना घाइते छन् ।
जिल्ला ट्राफिक प्रहरी कार्यालय झापाका अनुसार इलामबाट झापातर्फ आउदै गरेको मे ७ प ४१८२ नम्बरको मोटरसाइकललाई सोहि दिशातर्फबाट आउदै गरेको बा १ क ६१८१ नम्बरको टिपरले ठक्कर दिदा बुद्ध शान्ति —४ का २४ वर्षीय लक्ष्मण खतिवडाको घटनास्थलमै मृत्यु भएको हो । सोहि ठाउँका २५ वर्षीय साहिर शेर्मा लिम्बु घाइते छन् ।
उनको विर्तामोडस्थित वीएण्डसी अस्पतालमा उपचार भइरहेको प्रहरीले जनाएको छ । मृतक खतिवडा मोटरसाइकल चालक तथा घाइते लिम्बु मोटरसाइकलमा सवार थिए । टिपर तथा मोटरसाइकल इलाका प्रहरी कार्यालय बुधबारेको नियनत्रणमा छ भने टिपर चालक फरार रहेको प्रहरीले जनाएको छ ।
