काठमाडौं, १४ असार । विश्वकप २०१८ अन्तर्गत बिहिबार भएको दोश्रो खेलमा कोलम्बीयाले अफ्रिकी राष्ट्र सेनेगललाई १–० गोल अन्तरले हराउँदै समुह विजेताको हैसियतमा नकआउट चरण प्रवेश गरेको छ ।
त्यस्तै सेनेगल समान अंक भएको जापान भलाद्मी खेल अर्थात् फेयर प्लेको कारण उपविजेताको हैसियतमा नकआउट चरण पुगेको छ र सेनेगल विश्वकपबाट बाहिरिएको छ ।
यसअघि सेनेगल र कोलम्बीयाले पहिलो हाफमा कुनै गोल गर्न नसकि गोल रहित बराबरी खेलेका थिए । पहिलो हाफमा सेनेगलको तुलनामा कोलम्बीयाको खेल फितलो थियो ।
तथापी दोश्रो हाफमा राम्रो खेलको कोलम्बीयाले खेलको ७५ औं मिनेटमा गोल गर्दै खेलमा अग्रता लिएको थियो । येरी माइनाले कर्नरबाट आएको बललाई हेडिङ गर्दै गोल गरेपछि कोलम्बीयाले खेलमा पकड लिएको थियो । उक्त खेलमा थप गोल नभएपछि अन्ततः कोलम्बीया यो खेलको मात्र नभएर समुह ‘एच’ को पनि विजेता बन्न सफल भएको छ ।
यो खेलको समाप्ती पछि अंक तालिकाको गणना गर्दा जापान र सेनेगल समान ४ अंक मै सिमित रहेको तथा दुबै टोलीले समुह चरणको ३ खेलमा ४ गोल गर्दै ४ गोल नै खाएको कारण गोल पनि समान नै थियो ।
यस्तो अवस्थामा जुन टोलीको फेयर प्ले छ, उसलाई बढि अंक प्राप्त हुने फिफाको नियम छ । जापानले यस प्रतियोगितामा सेनेगलको तुलनामा कम पहेंलो कार्ड खाएको कारण समान अंक र गोल अन्तर हुँदा हुँदै पनि जापानले नकआउट चरण पुग्ने अवसर पाएको हो ।
आजको खेलपछि विश्वकपको दोश्रो चरणमा पुग्न सम्भव अन्तिम अफ्रिकी मुलुक पनि विश्वकपबाट बाहिरिएको छ ।
