गोपाल काफ्ले
पथरीशनिश्चरे । मोरङको पथरीशनिश्चरेका नगरप्रमुख दिलिपकुमार राईले सरकारी गाडीको चरम दुरुपयोग गर्ने गरेको पाईएको छ ।
स्थानिय निकायको चुनावमा एमालेबाट निर्वाचित नगरप्रमुख राईले पार्टीका नेता कार्यकर्ताको जन्ती तथा मलामी जान् र पार्टीको झण्डा ओडाउन जाने क्रममा समेत सरकारी कार्यलयको गाडी नै लिएर पुग्ने गरेका छन ।
नेपाल सरकारबाट नगरपालिकालाई प्राप्त को १ झ ५१४ नम्बरको को बोलेरो गाडी नगरप्रमुखले आफ्नो निजि काममा जाँदा सरकारी गाडीको प्रयोग गर्न नमिल्ने भए पनि बिबाह, पार्टी, र भेटघाटमा जाँदा पनि यहि गाडी प्रयोग गर्ने गरेका छन जनताको कर बाट संकलित रकमबाट तलब सुबिधा लिने प्रमुख र उपप्रमुखले आफ्नो आस्थाको पार्टीको र निकटका ब्याक्तीकोमा जाँदा सरकारी गाडी कुदाउने गरेका छन ।
यसैबिच सो नगरका कर्मचारीहरुले समेत सरकारी बिदा र शनिवार पनि मोटरसाईकल आफुसंगै राख्ने र आफुखुसी प्रयोग गर्ने गरेका छन ।
बिहिबार पार्टीका एक कार्यकर्ताको मृत्युपछि पथरीशिनश्चरेबाट झन्डै १० किलोमिटरको दुरीमा रहेको क्षेत्रमा नगरप्रमुख र उपप्रमुख नै सरकारी गाडी लिएर मलामी पुगेका हुन । कार्यलय नै खाली गरी ३ घण्टा सम्म कार्यलयबाट गई मलामी बसेर फर्केका प्रमुख र उपप्रमुख निर्वाचित भए यता नै सरकारी गाडीको दुरुपयोग गर्दै आएको स्थानीय नगरबासीहरु समेत आरोप लगाउँछन । यस बिषयमा प्रमुखसँग सम्पर्क गर्न खोज्दा सम्पर्क हुन सकेको छैन ।
पटक पटक बिभिन्न बिवादमा मुछिदै आएका नगर प्रमुख र उपप्रमुखले मलामी जाँदा समेत सरकारी गाडीको दुरुपयोग गरेको भन्दै स्थानीय नगरबासीहरुले समेत आक्रोश पोखेका छन । पार्टीका एक नेताको मलामी जाने क्रममा पछिल्लो समय उनीहरुले सरकारी गाडीको दुरुपयोग गरेका छन ।