काठमाडौं, १५ असार । रसियामा जारी विश्वकप २०१८ मा सर्वाधिक गोल गर्ने सुचीमा रहेका ५ खेलाडिहरु यस प्रकार छन् ।
ह्यारी केन (इंग्ल्याण्ड)
विश्वकपको समुह चरणको २ खेलमा ५ गोल गरेको ह्यारी केन यस विश्वकपको सर्वाधिक गोलकर्ता हुन् । उनले ट्युनिसिया विरुद्ध २ गोल गरेका थिए भने पनामा सँग ह्याट्रिक नै गरेका थिए । उक्त ह्याट्रिकमा २ गोलचाहिं पेनाल्टी मार्फत् गरेका थिए ।
क्रिष्टीयानो रोनाल्डो (पोर्चुगल)
समुह चरणको समाप्तीसम्ममा ४ गोल गरेका रोनाल्डोले पहिलो खेल स्पेनसँग खेल्ने क्रममा ह्याट्रिक गरी हालसम्म ४ गोल गरेका छन् । उक्त ह्याट्रिकमा एक गोल पेनाल्टी मार्फत् गरेका थिए । त्यस्तै मोरक्को विरुद्ध पनि उनले १ गोल गरेकोमा सोही गोलनै उक्त खेलको निर्णायक गोल भएको थियो । समुह चरणको अन्तिम खेलमा इरानसँग पेनाल्टीमा गोल गर्न असमर्थ रोनाल्डोले थप गोल गर्न सकेका छैनन् ।
रोमेलु लुकाकु (बेल्जियम)
विश्वकपको ३ खेलमा ४ गोल गरेका बेल्जियमका स्टार रोमेलु लुकाकुले पहिलो खेलमा पनामा विरुद्ध २ गोल गरेका थिए । त्यस्तै ट्युनिसियासँग बेल्जियमले कुल ५ गोल प्रहार गरेकोमा लुकाकुले पनि २ गोल गर्न सफल भएका थिए । तथापी समुह चरणको अन्तिम खेलमा इंग्ल्याण्ड विरुद्ध उनि गोल गर्न भने चुकेका छन् ।
डेनिस चेरिसेभ (रसिया)
आयोजक रसियाका स्टार डेनिस चेरिसेभले यस विश्वकपमा ३ गोल गरेका छन् । पहिलो खेलमा साउदी अरब विरुद्ध २ गोल गरेका उनले इजिप्ट विरुद्ध पनि १ गोल गरेका छन् । उरुग्वे विरुद्ध आत्मघाती गोल गरेका उनले उक्त खेलमा आफ्नो टोलीको लागि कुनै गोल गर्न सकेनन् ।
डियगो कोस्टा (स्पेन)
पहिलो खेलमा पोर्चुगल विरुद्ध २ गोल गरेका कोस्टाले यस विश्वकपमा कुल ३ गोल गरेका छन् । अर्को गोल उनले इरान विरुद्ध गरेका थिए । इरान विरुद्धको खेलमा कोस्टाको गोल नै निर्णायक भइ स्पेनले महत्वपूर्ण ३ अंक हात पार्न सफल भएको थियो । मोरक्को विरुद्ध कुनै गोल गर्न नसकेका उनि स्पेनका महत्वपूर्ण खेलाडि हुन् ।
