विश्वकप फुटवलमा उपाधी दाबेदार मानिएको ब्राजिल र मेक्सिकोबीचको खेल भइरहेको छ । दोस्रो हाफको खेल चलिरहँदा ब्राजिलले अग्रता लिएको छ । ब्राजिलको लागि नेयमारले गोल गरेका छन् । उनले खेलको ५१ औं मिनेटमा गोल हानेका हुन् । यो सँगै मेक्सिको दबाबमा परेको छ ।
नेइमारले विलियम्सबाट प्राप्त क्रसलाई सिल्प गर्दै गोल गरेका हुन्।
रसियामा जारी मेक्सिको र ब्राजिलबीचको पहिलो हाफ गोलरहित बराबरीमा सकिएको थियो। पहिलो हाफमा दुबै टोलीले गोल गर्ने प्रयास गरेपछि गोल गर्न सकेका थिएनन्।
जारी विश्वकपमा समूह चरणका तीन खेल मध्ये २ मा जीत र एकमा बराबरी खेलेको ब्राजिलले पहिलो खेलमा स्विजरल्यान्डसँग १-१ गोलको बराबरी खेलेको थियो भने कोस्टारिका र सर्बियालाई समान २-० गोलले पराजित गरेको थियो।
त्यस्तै डिफेन्डिङ च्याम्पियन जर्मनीलाई पराजीत गरेर घर फर्काइदिएको मेक्सिकोले समूह चरणमा दक्षिण कोरियालाई २-१ गोलले हराएको थियो भने तेस्रो तथा अन्तिम खेलमा स्विडेनसँग ३-० गोलको हार ब्यहोरेको थियो। उसले जर्मनीलाई १-० पताजित गरेको थियो।
क्वाटरफाइनल प्रवेश गर्ने लक्ष्यका साथ मैदानमा उत्रेको ब्राजिलले पछिल्ला १४ खेलमा हार ब्यहोरेको छैन। उसले अन्तिमपटक गत वर्षको जुनमा अर्जेन्टिनासँग १-० गोलको पराजय सामना गरेको थियो भने ब्राजिल र मेक्सिकोबीच अन्तिमपटक सन् २०१५ को जुनमा प्रतिस्पर्धा भएको थियो मैत्रिपुर्ण खेलमा जसमा ब्राजिल २-० गोलले विजयी भएको थियो।
