स्वीडेन विश्वक फुटवलको क्वाटरफाईनलमा पुग्न सफल भएको छ । आज भएको खेलमा स्विट्जरल्याण्डलाई पाखा लगाउँदै स्वीडेन क्वाटरफाईनलमा पुग्न सफल भएको हो ।मंगलबार साँझ भएको खेलमा स्वीडेनले स्विट्जरल्याण्डलाई सुन्यका विरुद्ध एक गोलले पराजित गरेको हो । यो सँगै स्वीडने अन्तिम आठमा पुग्न पनि सफल भएको छ ।
अब स्वीडेनले क्वार्टरफाइनलमा इंग्ल्याण्ड वा कोलम्बियासँग खेल्नेछ । यिनीहरुबीचको खेल केहीबेरमा सुरु हुनेछ । पहिलो हाफ बराबरीमा रोकिएको खेलमा स्वीडेनले दोस्रो हाफमा निर्णायक गोल गरेको हो । स्वीडेनका लागि इमिल फोर्सबर्गले निर्णायक गोल गरेका थिए ।
फोर्सबर्गले डी बक्सबाट प्रहार गरेको बल सजिलै गोलकिपर यन सोमरको हातमा जादै थियो तर बीचमा डिफेन्डर मान्युयल आकान्जीले रोक्न खोज्दा उनको खुट्टामा लाग्दै बलले पोस्टको माथिल्लो भागबाट जाली चुमेको थियो । इमिल फोर्सबर्गले ६६ औं मिनेटमा स्वीडेनका लागि निर्णायक गोल गरेका हुन् ।
