काठमाडौं ।
संयुक्त राष्ट्र संघ आदिवासी मामिलाका लागि स्थायी मञ्चका उपाध्यक्ष एवं एसिया महादेशका प्रतिनिधि फूलमान चौधरीले आदिवासी जनजातिको मुद्धालाई राज्यले सम्बोधन गर्न नसकेको बताउनुभएको छ । रातोकलम अनलाईन टिभिसँग कुराकानी गर्दै उहाँले भन्नुभयो, विश्वका आदिवासी जनजाति आफ्नो हक अधिकारबाट अहिले पनि बञ्चित हुनु परेको अवस्था छ । आदिबासी जनजातिमध्ये थारूलाई मात्र लाग्ने सिकलसेल र त्यसको निदानको विषयलाई समेत उठाउन चौधरीलाई सुझाव दिनुभयो ।
चौधरीले संसारभरिका आदिवासीहरु पृथ्बीका मूल आदिवासी भएको बताउनुभएको छ । उनीहरुलाई जल, जंगल र जमिनको अधिकार दिन संयुक्त राष्ट्रसंघका सदस्यीय राष्ट्रहरुले घोषणा पत्रमा प्रावधान गरिएका सम्पूर्ण अधिकारको धारालाई पूर्णरुपमा लागू गरेमात्र आदिवासीहरुको अधिकार सुनिश्चित हुने बताउनुभयो ।
‘विश्वका आदिवासीहरु खास गरेर जमिनको भूमिसम्बन्धी समस्या भोगिरहेका छन्,’ उहाँले सम्बोधनको क्रममा भन्नुभयो । हालसालै भारत भ्रमणमा देखिएको भूमिसम्बन्धी समस्यालाई सबै सरोकारवालालाई ध्यान पुर्याउने आवश्यकता रहेको औंल्याउनुभएको थियो ।
