पथरीशनिश्चरे, ११ साउन
मोरङको पथरीशनिश्चरेस्थित ‘पथरी अनलाइन’ डिजिटल पत्रिकाले नगरका १० वटै वडाका लागि सुझाव पेटिका प्रदान गरेको छ । आज एक कार्यक्रमकाबीच पथरी अनलाइनका प्रवन्धक सुमन खनालले नगर उपप्रमुख यमुना विष्ट वास्तोलालाई सुझाव पेटिका हस्तान्तरण गर्नुभयो । वडा कार्यालयमा तथा वडा क्षेत्रमा हुने विकास निर्माणका काम कारवाहीप्रतिको सुझाव तथा गुनासा सुनुवाई ग्रहण गर्ने परिपाटीको विकास गर्न सुझाव पेटिका प्रदान गरिएको खनालले उल्लेख गर्नुभयो । पथरी डिजिटल नेटवर्कद्वारा सञ्चालित पथरी अनलाइनले सामाजिक उत्तरदायित्व अन्तर्गत १३ हजार रुपैयाँ वरावरको पेटिका प्रदान गरिएको उहाँले जनाउनु भयो ।
पथरी अनलाइन ले स्थानिय घटना परिवेश पर्यटनलाई बिश्वब्यापी रुपमा लैजान ठूलो भुमिका खेल्ने तथा आगामी दिनहरुमा यस्त बिबिध कार्यहरुलाई निरन्तरता दिने संचालक अशोक खनालले जानकारी दिनुभयो । उपप्रमुख वास्तोलाले सुझाव र गुनासा सुनुवाईलाई सहज बनाउन प्राप्त भएको सुझाव पेटिकाको उपयोगले सुशासन र पारदर्शीतामा थप सहयोग पुग्ने वताउनु भयो । उपप्रमुख वास्तोलामार्फत वडा नम्बर १ का अध्यक्ष बाबुराम एङ्देन, ९ का सदस्य कुरुक्षेत्र नेपाल सहितले सुझाव पेटिका बुझेर लानु भएको छ ।
