पुर्व पश्चिम राजमार्गमा आज दिउँसो भएको बस दुर्घटनामा १२ जना घाईते भएका छन् ।
निजगढ चन्द्र निगाहपुर सडक खण्डको लमाहा नजिकै भएको बस दुर्घटनामा परेर एकजना गम्भीर घाईते भएको प्रहरीले जनाएको छ ।
ना ५ त ४५६२ नम्बरको बसको अगाडीको चक्का पड्कदा बस पल्टेको थियो ।
पोखराबाट जनकपुर जाँदै गरेको बसमा सवार २५ मध्ये १२ जना घाईते भएको ईलाका प्रहरी कार्यालय चन्द्रनिगाहपुरले जनाएको छ ।
रौतहटको ईसनाथ नगरपालिका घर भएका ३२ वर्षीय सन्तोष गुप्ता गम्भीर घाईते भएको प्रहरीले जनाएको छ ।
घाईते सबैको स्थानीय चन्द्रपुर अस्पतालमा उपचार भईरहेको डिएसपी शान्तिराज कोइरालाले बताएका छन् ।
