काठमाडौं । एम्सटर्डममा नेपालले पहिलो अन्तर्राष्ट्रिय एकदिवसीय क्रिकेट खेलिरहेको छ।
नेदरल्याण्ड्सविरुद्धको ऐतिहासिक एक दिवसीयमा नेपालले पहिले बलिङ गर्न पायो ।
त्यसमा पनि पहिलो बल फाल्ने भाग्यमानी ठहरिए सोमपाल कामी ।
अन्तर्राष्ट्रिय टि;ट्वेन्टीमा अलराउण्ड प्रर्दशन गरको सोमपालले एक दिवसीयको डेब्यू खेलमै पहिलो पलिङ गर्ने अवसर पाए । यद्यपि, विकेट हासिल गर्न भने उनले व्यक्तिगत दोस्रो ओभरसम्म कुर्नु पर्यो ।
दायाँ हाते तर तीब्र गतिका बलर सोमपालले अन्तर्राष्ट्रिय टि–ट्वेन्टीमा अन्तिम तथा दशौँ नम्बरमा आएर पनि धेरै रन बनाएको रेकर्ड राखेका थिए ।
२२ वर्षीय सोमपालले १६ मार्च २०१४ मा चट्गाउँमा हङकङविरुद्धको टि–ट्वेन्टीबाट डेब्यू गरेका थिए । डेब्यू खेलमै उनले २ विकेट लिएका थिए ।
अन्तर्राष्ट्रिय क्रिकेट परिसद (आइसीसी) बाट एकदिवसीय राष्ट्रको मान्यता पाएपछि नेपाल एम्सटर्डममा पहिलो अन्तर्राष्ट्रिय एकदिवसीय खेल्न पुगेको हो ।
