पहिरोका कारण मुग्लिन नारायणगढ सडक खण्ड आज विहानैदेखि अवरुद्ध भएको छ । मुग्लिनको घुमाउनेमा विहान ६ः३० बजे पहिरो खसेकाले सडक अवरुद्ध भएको जिल्ला प्रहरी कार्यालय चितवनले जनाएको छ ।
पानी परिरहेकाले पहिरो हटाउन समस्या भएको प्रहरीले जनाएको छ । पहिलो पन्छाउने प्रयास भईरहेको बताईएको छ । अवरुद्ध सडक सुचारु हुन अझै २ घण्टा लाग्ने चितवन प्रहरीले जनाएको छ ।
सडक अवरुद्ध भएपछि गन्तव्यमा हिडेका यात्रु समस्यामा परेका छन् । मुग्लिन नारायणगढ सडक खण्डमा पटक पटक पहिरो जाने भएकाले सावधानी अपनाउन ट्राफिक प्रहरी कार्यालय चितवनले जनाएको छ ।
