उर्लाबारी साउन २६ गते । सेन्ट्रल फेसन हव र अलराउण्ड डान्स सेन्टरको आयोजनामा शनिवार मिस उर्लाबारी सिजन टु को अडिसन सुरु भएको छ ।
होटल सम्राटमा भएको पहिलो अडिसनमा ७ जना उर्लाबारीका किशोरीहरु छनौट गरिएको छ । उनीहरुको प्रतिभाका आधारमा जर्जहरु मिस पूर्वाञ्चलका कोरियोग्राफर प्रमिसा बर्जचार्य र भिजे तृष्णा रेग्मीले छनौट गरेका थिए ।
उनीहरुलाई व्यक्तित्व विकासका प्रशिक्षण कार्यक्रममा सहभागी गराईनेछ ।
दोस्रो अडिसन आगामि शनिवार हुने कार्यक्रम संयोजक जिवन चिमिरियाले बताए । मिस नेपालको गृह नगर रहेको उर्लाबारीका चेलीहरुलाई प्रतिभा पहिचान गराउने उदेश्यले कार्यक्रमको आयोजना गरिएको संयोजक चिमरियाले बताए ।
उनका अनुसार बिजेताहरुले नगद ५० हजार,फस्ट रर्नअफले नगद ३० हजार र सेकेण्ड रर्नअफले नगद २० हजार सहित गिफ्ट ह्याम्पर,छात्रबृत्ति पाउनेछन् । मिस उर्लाबारीले मिस पूर्वाञ्चलमा स्वत भाग लिन पाउने प्रावधान बनाइएको छ ।
