इटहरी । इटहरी महिला जेसीजको ‘जेसीज सप्ताह’ अन्तरगत छैटौँ कार्यक्रममा महिलाहरुको पाठेघरको क्यान्सर सम्बन्धि निःशुल्क स्वास्थ्य शिविर सम्पन्न भएको छ ।
शान्ति सृजना आधारभूत विद्यालयमा आयोजित शिविरमा १ सय ५ जना महिलाहरुले सेवा लिएका थिए । मानवताको सेवा नै सर्वाेतम कार्य भन्ने जेसीजको मुल नारालाई आत्मासाथ गर्दै शिविरको आयोजना गरिएको कार्यक्रम संयोजक उर्मिला गौतमले बताइन् ।
शाखा अध्यक्ष मिनु न्यौपानेको सभापतित्व तथा इटहरी नगरपालिका वडा नम्बर १४ का वडा अध्यक्ष रमेशकुमार चौधरीको प्रमुख आतिथ्यतामा सम्पन्न कार्यक्रममा शाखाका पूर्व अध्यक्षहरु अम्बिका श्रेष्ठ, भेषजा काफ्ले, गंगा पौडेल, उर्मिला कटुवाल, गंगा घिमिरे, सुशिला ढकाल, सुष्मा रिजाल, सञ्ज पौडेललगायतको सहभागिता रहेको थियो ।
कार्यक्रमको सञ्चालन महासचिव दुर्गा पौडेलले गरेकी थिइन् । सप्ताह अन्तरगत आइतवार अन्तिम कार्यक्रम वक्तृत्वकला प्रतियोगिता रहेको छ । 
