दमक,२८ साउन/ हाम्रो दमक डटकम अनलाइन मिडीयाका सम्पादक विष्णु सुब्बा स्व.गणेश वस्नेत उत्कृष्ठ पत्रकारिता पुरस्कारवाट पुरस्कृत हुने भएका छन ।
मेची सहकारी संस्थाका पूर्व अध्यक्ष स्व. बस्नेतको स्मृतिमा स्थापित सो पुरस्कारवाट यसवर्ष पत्रकार सुब्बा पुरस्कृत हुने भएका हुन् ।
सो पुरस्कार मेची सहकारी संस्थाको भाद्र १२ गते २२ औ बार्षिकोत्सव तथा २४ औ साधारणसभाका दिन प्रदान गरिने छ । पुरस्कारको राशी नगद ७ हजार , सम्मान पत्र रहेको छ ।
पत्रकार सुब्बा दुई दशक देखि झापाली पत्रकारिताका क्षेत्रमा कृयाशील छन् । उनी हाम्रो दमक डटकम बाहेक झापा पोष्ट दैनिकका कार्यकारी सम्पादक , राष्ट्रिय समाचार समितिका स्ट्रिङगर भएर लामोसमयदेखि दमकमा कार्यरत छन् । पत्रकार सुब्बासंगै संस्थाले सोहि दिननै उत्कृष्ठ सहकारी अभियन्ता पुरस्कारबाट यसवर्ष राष्ट्रिय सहकारी महासंघ काठमाण्डौंका अध्यक्ष केशवप्रसाद बडाललाई प्रदान गरिने निर्णय भएको संस्थाका अध्यक्ष नारायण भट्टराईले जानकारी दिए ।
संस्थाले आफनो बार्षिकोत्सवसहित साधारणसभामा वर्सेनी ती पुरस्कार प्रदान गरिआएको छ ।
