उर्लाबारी । ‘मिस उर्लाबारी’ दोस्रो संस्करणको शनिबार भएको दोस्रो अडिशनबाट १३ जना युवतीहरु छनौट भएका छन् । यसअघि भएको पहिलो अडिशनबाट ७ जना छानिएका थिए । सेन्ट्रल फेशन हव उर्लाबारी र अलराउण्ड डान्स सेन्टर उर्लाबारीको संयुक्त आयोजनामा हुने उक्त प्रतियोगिताको बन्द परिक्षण यसैसाताबाट सुरु हुने आयोजकका अध्यक्ष जीवन चिमरियाले बताए ।
व्यक्तित्व विकास र किशोरीहरुमा लुकेर रहेको प्रतिभाको प्रस्फुटन गर्नका लागि मिस उर्लाबारी आयोजना गरिएको उनको भनाई छ । प्रतियोगिताको विजेतालाई नगद ५० हजार, छात्रवृत्तिसहित आकर्षण पुरस्कार प्रदान गरिने छ । त्यस्तै, फष्ट रनरअप र सेकेन्ड रनरअपलाई क्रमशः नगद ३० र २० हजारसहित छात्रवृत्ति र आकर्षण पुरस्कार प्रदान गरिने छ । प्रतियोगितामा १६ बर्षदेखि २५ बर्षसम्मका किशोरी÷युवतीहरुले सहभागीता रहेको छ । प्रतियोगीहरुलाई कोरियोग्राफर प्रमिशा बज्रचार्यले प्रशिक्षण दिने छिन् । उर्लाबारी नगरपालिकासँग साझेदारी गरी मिस उर्लाबारीलाई विभिन्न सामाजिक कार्यको साथै उर्लाबारीको पर्यटकीय क्षेत्रको पहिचानका लागि सहभागी गराइने जनाइएको छ ।
