उर्लाबारी । आरम्भ नाट्य डबली पुर्वमै यतिवेला सक्रिय रुपमा देखिएको छ । पुर्वमा आफ्नो पहिचान बनाउदै आएको आरम्भले दुवै मृगौला खराब भएर उपचारको क्रममा रहनुभएका पुर्वका रंगकर्मी एवं पत्रकार प्रविन राईलाई नगद रु १०,०००( दश हजार) सहयोग गरेको छ । आदरणिय समाजसेवी एवं अग्रज व्याक्तित्व आरम्भ नाट्य डबली रतुवामाईका संस्थापक अध्यक्ष हाल कतारमा कार्यरत प्रेम भण्डारीको मुख्य सहयोगमा आरम्भ नाट्य डबली रतुवामाईले सहयोग गरेको थियो । विगत केही समयदेखी दुवै मृगौलामा खराबी देखीएपछि राई उपचारको क्रममा हुनुहुन्छ । आरम्भ नाट्य डबली रतुवामाईको टोली राईलाई सहयोग गर्न धरान स्थित राईकै निवास पुगेको थियो । रााईलाई संस्थाकी अग्रज सदस्य दुर्गा भण्डारी लगाएत अध्यक्ष समिर सुवेदी,उपाध्यक्ष समिन बराल, सचिव नानु पौडेल लगाएतको टोलीले रकम हस्तान्तरण गरेको थियो । राईलाई उपचारका लागि विभिन्न संघ संस्थाबाट सहयोग जुटिरहेको छ ।
