उर्लाबारी। मोरङको उर्लाबारी नगरपालिकाले सरसफाई अभियानलाई तीब्र बनाएको छ । नगरलाई स्वच्छ, सफा र हराबरा बनाउने उद्देश्यले नगरपालिकाले सरसफाई अभियानलाई उच्च प्राथमिकतामा राखेको हो ।
वातावरण प्रदुषणकै कारण नागरिकहरु बिभिन्न रोगले ग्रसित नहुन् भनेर नगरपालिकाले सरसफाईमा ध्यान दिएको हो । नागरिकहरुको स्वास्थ्य सम्बन्धी हकलाई नगरपालिकाले महत्वका साथ लिँदै उर्लाबारी नगर क्षेत्रलाई सफा बनाउने अभियान स्वरुप डस्पिन राख्न लागेको हो ।
नगर प्रमुख खड्ग फागोले नगरपालिकालाई प्राथमिकरणको आधारणमा क्रमिकरुपमा बिभिन्न स्थानमा फोहोरलाई नियन्त्रित गर्न डस्पिन राखिने जानकारी दिनुभयो । नगर प्रमुख फागोले आइतबार टण्टलापुर घाममा आफै फिल्डमा खटेर उर्लाबारी चोक, मधुमल्ला रोडलगायतका स्थानमा डस्पिन राख्न पूर्व तयारी स्वरुप सङ्केत चिन्ह्र लगाउनुभयो ।