२०७५ भाद्र ०४ सोमबार
ताप्लेजुङ / ताप्लेजुङको पाथिभरा याङ्वरक गाउँपालिकाको कार्यालय भवन कहाँ राख्ने भन्ने विषयको विवाद चुलिदैं गएको छ ।
गाउँपालिका जनप्रतिनिधिहरुले गाउँपालिकाको भवन डाडाँगाउँ भन्ने स्थानमा राख्ने निर्णय गरेपछि त्यस निर्णयको विरुद्धमा गाउँपालिकाबासी आम जनताहरु ससक्त रुपमा विरोधमा उत्रिएका हुन् ।
त्यहाँका स्थानीयले गाउँपालिकाको भवन पुर्णे डाडाँ बजारमा राख्नु पर्ने माग राख्दै पटक पटक आन्दोन गर्दै आएको हो । पुर्णे डाँडाँ बजार र डाडाँगाउँ
झन्डै २ किलोमिटर दुरीको फरकमा रहेको छ ।
आम गाउँपालिकाबासीहरुले पटक पटक स्थानीय जनप्रतिनिधिहरुलाई सुझाप दिंदा, गाउँपालिकाको कार्यालय भवन पुर्णे डाडाँ बजारमा राख्दानै
सबैको भलाई र वैज्ञानिक हुने भन्दै आफ्नो माग आगाडी सारेको हो ।
स्थानीयबासी बताउछ, यद्दपी त्यसकुरालाई वेवास्ता गरेको भन्दै स्थानिय संर्घष समिति बनाएर आन्दोलन गर्नु परेको हो ।
आफुँहरुले उचित र सबैको भलाई हुने मागहरु अघि सार्दा समेत गाउँपालिकाले आफुहरुको मागलाई वेवास्ता गरेको भन्दै स्थानिय पुर्नेडाँडा वजारवासी आक्रोसित बनेका हुन् ।
पुर्णेडाँडा वजार वन्द तथा गाउँपालिकाको कार्यालयमा धर्ना दिने लगायतका कार्यक्रम रहेको संर्घष समितिका संयोजक विष्णु लिम्बुले रातोकलामलाई जानकारी दिएको छ ।
आफुहरुको माग पुरा नभएसम्म आन्दोलन कुनै पनि हालतमा नरोकिने संयोजक लिम्बुले बताए ।
