बाहुनडाँगी जेसीजको ९ गतेदेखि जेसीज सप्ताह
झापा । बाहुनडाँगी जेसीजले वर्ष २०१८ को जेसीज सप्ताह भदौ ९ गते शनिवारबाट गर्ने भएको छ ।
जेसीजको सचिवालयमा बसेको बोर्ड बैठकले विभिन्न कार्यक्रमका साथ यो वर्षको जेसीज सप्ताह सम्पन्न गर्ने निर्णय गरेको हो ।
सप्ताह अन्तरगत शनिवार मेचीनगर ४ मा बाहुनडाँगी जेसीजको स्वागत बोर्ड राखेर सप्ताहको उद्घाटन गरिने जेसीजका महासचिव सागर कार्कीले जानकारी दिए ।
यसैगरी, ११ गते सोमवार अन्तर विदालय वक्ृतत्वकला प्रतियोगिता, १३ गते बुधवार रक्तदान कार्यक्रम र १६ गते बिहिवार खुल्ला मिनि म्याराथुन गर्ने कार्यक्रम रहेको वर्ष २०१८ का अध्यय जीवन मोतेले जानकारी दिए । सप्ताहका लागि सागर कार्की, पुष्कर ढकाल राजेश थापा र प्रविण भण्डारीलाई संयोजक तोकिएको वर्ष २०१८ का कार्यक्रम संयोजक निकेश दाहालले बताए ।
