मेचीनगर । बाहुनडाँगी जेसीजको वर्ष २०१८ को जेसीज सप्ताह शनिवारबाट सुरु भएको छ । साविकको बाहुनडाागी र मेचीनगरको सिमानामा स्वागत बोर्ड राखेर जेसीज सप्ताहको उद्घाटन गरिएको छ । जेसीज बोर्डको उद्घाटन जेसीजका संस्थापक अध्यक्ष एवम् मेचीनगर ४ का वडा अध्यक्ष नविन बरालले गरेका थिए । शाखा अध्यक्ष जीवन मोतेको सभापतित्वमा सम्पन्न कार्यक्रममा शाखाका विभिन्न पदाधिकारीहरुको सहभागिता रहेको थियो । कार्यक्रमको सञ्चालन महासचिव सागर कार्कीले गरेका थिए ।
सप्ताह अन्तरगत सोमवार अन्तर विद्यालय वक्तृत्वकला प्रतियोगिता बुधवार रक्तदान कार्यक्रम तथा शनिवार खुल्ला मिनि म्याराथुन प्रतियोगिता हुने शाखा अध्यक्ष जीवन मोतेले बताए ।
