झापा । नेपाल जेसीजले सञ्चालन गरेको साप्ताहिक तालिम अन्तरगत शनिवार ३ वटा स्थानमा सम्पन्न भएको छ ।
क्षेत्र ‘ग’ अत्रगत धापासी जेसीज र सीतापाइला जेसीजको आतिथ्यतामा तालिम सम्पन्न भएको हो । धापासी जेसीजका अध्यक्ष शुसिल बुढाथोकीको सभापतित्वमा सम्पन्न तालिममा सहभागिलाई नेपाल जेसीजका प्रशिक्षक राजावाबु शाहले प्रशिक्षण दिएका थिए । यसैगरी, सीतापाइला जेसीजका अध्यक्ष जेसीजका अध्यक्ष रुपेश रिमालको अध्यक्षतामा भएको तालिममा सहभागिलाई प्रशिक्षक केदार भण्डारीले प्रशिक्षण दिएका थिए । तालिमको उद्घाटन नेपाल जेसीजका नेश्नल ट्रेनिङ कमिश्नर अनिलबहादुर शाहि र नेपाल जेसीजका कार्यकारीणी उपाध्यक्ष पदमविक्रम सिंहले गरेका थिए । कार्यक्रममा विभिन्न शाखा अध्यक्षहरुको सहभागिता रहेको थियो । तालिम अन्तारगत आइतवार नवाकोट जेसीजको आतिथ्यतामा हुँदैछ ।
यसैगरी, क्षेत्र ‘क’ अन्तरगत शनिवार नै तरहरा जेसीजको आथित्यतामा तालिम सम्पन्न भएको छ ।
तरहरा जेसीजका अध्यक्ष नीरकाजी गिरी (शेखर) को अध्यक्षतामा सम्पन्न तालिममा नेपाल जेसीजका कार्यकारीणी उपाध्यक्ष सिनेटर विकास मानन्धर, राष्ट्रिय उपाध्यक्ष रश्मि निरौला, राष्ट्रिय उपाध्यक्ष अमिश ढकाललगायत विभिन्न शाखाका अध्यक्षहरुको सहभागिता रहेको थियो । आइतवार चक्रघट्टी जेसीजमा तालिम सम्पन्न हुँदैछ ।
