काठमाडौं । सामाजिक काममा सक्रिय युवा सुन्दर श्रेष्ठले काठमाडौं ३२ कोटेश्वर स्थित निखिलेश्वर महादेव मन्दिरलाई साउण्ड सिस्टम सहयोग गर्नुभएको छ । मन्दिरमा भजन किर्तन लगायत विभिन्न कार्र्यक्रमको आयोजना गर्दा आवाज सुन्न सजिलो हुनका साथैं कार्यक्रम स्तरीय होस भनेर १८ हजार ५ सय रुपैंया बराबरको साउण्ड सिस्टम श्रेष्ठले सहयोग गर्नुभएको हो । सोमबार एक कार्यक्रमका बिच श्रेष्ठले मन्दिरका अध्यक्ष हंशराज वाग्लेलाई उक्त साउण्ड सिस्टम हस्तान्तरण गर्नुभयो । यसका साथैं श्रेष्ठ उक्त मन्दिरको आजिवन सदस्य समेत बन्नुभएको छ । सामाजिक कामका साथैं धार्मिक काममा पनि तन मन लगाएर सहयोग गर्नुहुने श्रेष्ठ बिभिन्न मठ मन्दिरमा उच्च सहयोग गर्र्दै आउनुभएको छ ।
उर्लाबारी ९ निवासी श्रेष्ठ आफ्नो कामको शिलशिलामा भक्तपुर बस्नुहुन्छ । कार्यक्रमका प्रमुख अतिथी समेत रहनुभएका श्रेष्ठले धर्मले धार्मिक सहिष्णुताको विकास गर्ने बताउनुभयो । कार्यक्रममा बोल्दैं उहाँले नेपालीहरुमा सबै धर्मको सम्मान गर्ने संस्कार रहेको बताउदैं धर्मले सहि मार्गमा हिडाउन प्रेरित गर्ने बताउनुभयो । मन्दिरका अध्यक्ष वाग्लले श्रेष्ठको सहयोग प्रति आभार प्रकट गर्दै सधै समाजमा यसरी नै श्रेष्ठलाई सहयोग गर्न पुगिरहोस भनेर शुभकामना व्यक्त गर्नुभयो । निखिलेश्वर मन्दिरमा हरेक सोमबार आरति हुने गर्दछ ।
