झापा । सुरुङ्गा जेसीजको आतिथ्यतामा यहि भदौ २२ र २३ गते हुने क्षेत्र ‘क’ को क्षेत्रीय सम्मेलनमा चर्चित गायीका आनी छोइङ डोल्मा आउने भएकी छिन् ।
नेपाल जेसीजको आयोजनामा हुने उक्त सम्मेलनमा उत्प्रेरक वक्ताको रुपमा गायीका डोल्मालाई ल्याइने तयारी भएको सम्मेलनका निर्देशक कुमारमणि पोखरेलले बताए । सम्मेलनमा उनले कुन दिन सम्बोधन गर्ने भन्ने समय चाहिँ बुधवार एकिन गरिने निर्देशक पोखरेलले बताए ।
‘फुलको आँखामा फुलै संसार’, ‘इच्छा मेरो हे भगवान’, ‘शान्ति लुकाउँ कहाँ’ बोलका चर्चित गीतको गायीका डोल्मा यस सम्मेलनको मुख्य आर्कषकको रुपमा रहनेछिन् ।
नेपाल जेसीजले हरेक वर्ष सञ्चालन गर्ने क्षेत्रीय सम्मेलन वर्ष २०१८ को जिम्मेवारी सुरुङ्गा जेसीजले पाएको छ । सम्मेनलको तयारी अन्तिम चरणमा पुगेको शाखा अध्यक्ष भीम भट्टराईले जानकारी दिए । उनका अनुसार क्षेत्रका शाखाहरुको निमान्त्रण गर्ने काम समेत सम्पन्न भएको छ ।
७ सय ५० भन्दा बढीको सहभागिता रहेन सम्मेलनमा नेपाल जेसीजका अध्यक्ष श्रीधर बस्यालसहित सबै पदाधिकारीहरुको सहभागिता रहनेछ ।
