झापा । बाहुनडाँगी जेसीजको ‘जेसीज सप्ताह २०१८’ अन्तरगत बुधवार रक्तदान कार्यक्रम सम्पन्न भएको छ ।
मेचीनगर–४ बाहुनडाँगी बजारमा सम्पन्न रक्तदानमा जिल्ला रेडक्रस सोसायटी झापाको प्राविधिक सहयोग रहेको थियो ।रक्तदानमा २० जनाले रक्तदान गरेका थिए ।
जेसीजका संस्थापक अध्यक्ष एवम् मेचीनगर ४ का वडा अध्यक्ष नविन बरालको प्रमुख आतिथ्यता तथा शाखा अध्यक्ष जीवन मोतेको सभापतित्वमा सम्पन्न कार्यक्रमको स्वागत कार्यक्रम संयोजक राजेश थापा र सञ्चालन महासचिव सागर कार्कीले गरेका थिए ।
सप्ताह अन्तरगत भदौ १६ गते मिनी म्याराथुन आयोजना हुने कार्यक्रम संयोजक प्रविण भण्डारीले जानकारी दिए । 
