नयाँ पत्रिकामा नयाँ के त ?’ ग्राहक अभियानका बम्पर उपहारस्वरूप काठमाडौं जडीबुटीकी सुजाता श्रेष्ठले फिएट एभेन्चुयरा कार पाएकी छिन् । होटेल अन्नपूर्णमा आयोजित विशेष कार्यक्रममा आइएमई ग्रुपका अध्यक्ष चन्द्र ढकालले श्रेष्ठलाई कारको साँचो हस्तान्तरण गरे ।
योजनाअनुसार तेस्रो महिनाको विजेता बसुन्धराका शिवप्रसाद सुवेदी र चौथो महिनाका विजेता धरानको बराह ज्वेलर्सका प्रतिनिधिहरू पूर्णकुमार कालिकोटे र शेरमान महतलाई यामाहा प्mयासिनो स्कुटी हस्तान्तरण गरियो । सुवेदीलाई उद्यमी सुहृद घिमिरे र बराह ज्वेलर्सका प्रतिनिधिलाई उद्योगपति करण चौधरीले उपहार हस्तान्तरण गरे ।
योजनाअनुसार नुवाकोटको नाडेप लघुवित्त वित्तीय संस्थाका प्रतिनिधि लोकहरि कोइरालालाई टिसिएल स्मार्ट टिभी प्रदान गरियो । कोइरालालाई नाडा अटोमोबाइल डिलर्स एसोसिएसनका पूर्वअध्यक्ष अञ्जन श्रेष्ठले टिभी प्रदान गरेका थिए ।
नाडेपले छैटौँ पाक्षिक उपहार जितेको थियो । सातौँ पाक्षिक विजेता झापा, शनिश्चरेका सन्दीपकुमार गतानीका प्रतिनिधि केदारकुमार ओझालाई पनि टिभी हस्तान्तरण गरियो । उनलाई नाडा अटोमोबाइल डिलर्स एसोसिएसनका कामु अध्यक्ष कृष्णप्रसाद दुलालले टिभी हस्तान्तरण गरेका थिए ।
