भदौ २६ पथरी मोरङको कानेपोखरी पथरी सडक खण्डमा मंगलवार विहान १०ः४० वजे भएको कार दुर्घटनामा परि एक महिलाको मृत्यु भएको छ ।
धरान उपमहानगरपालिका वडा नं. १ पृथ्वीपथ बस्ने वर्ष ५५ की ललिता अग्रवाल (गोयल) को उपचारका क्रममा स्थानिय पथरी हस्पीटलमा मृत्यु भएको प्रहरीले जनाएको छ ।
तिव्र गतिमा रहेको वा १९ च ६१२२ नम्वरको कारले को १ ख ६४३५ नम्वरको वसलाई ओभरटेग गर्ने क्रममा अनियन्त्रित भई सोही बस सग ठोकिन पुग्दा सडक बाट तल खोल्सामा खस्दा कारमा सवार अन्य ४ जना घाईते भएको प्रहरीले बताएको छ ।
घाईते हुनेहरुमा वर्ष ८२ का विश्वनाथ अग्रवाल ,वर्ष ३० की गिता अग्रवाल, गिताको छोरा वर्ष ९ को बरुण अग्रवाल, र कार चालक अनिल अग्रवाल घाईते भएका छन् ।
घाईते हरु मध्ये विश्वनाथको धरान स्थिति विपि कोईराला स्वास्थ्य विज्ञान प्रतिष्ठानमा उपचार भईरहेको छ भने अन्य ३ को विराटनगरको न्युरो अस्पतालमा उपचारका लागि पठाईएको ईलाका प्रहरी कार्यालय पथरीका प्रमुख कमल वजगाईले बताएका छन् ।
माडवारी सेवा समिति विर्तामोडका पुर्व अध्यक्ष तथा नेपाल मारवारी परिषदका केन्दि«य सदस्य बावुलाल अग्रवालकी बहिनी धरान वाट बिर्तामोड जाने क्रममा सो दुर्घटनामा परि निधन भएको एक नातेदारले बताए ।
