झापा । बुटवल महिला जेसीज अगष्ट महिनाको ‘जेसीज अफ द मन्थ’ शाखा बन्न सफल भएको छ ।
नेपाल जेसीजले हरेक महिना प्रदान गर्ने ‘जेसीज अफ द मन्थको अवार्डबाट क्षेत्र ‘घ’ का ४२ वटा शाखाहरु मध्य बुटवल महिला जेसीजले यो अवार्ड प्राप्त गर्न सफल भएको हो ।
नेपाल जेसीजले हालै सार्वजनिक गरेको ‘जेसीज अफ द मन्थ’ को नतिजा अनुसार मानवीय तथा सामाजिक क्षेत्रमा उत्कृष्ट कार्य गरे बापत बुटवल महिला जेसीजलाई यस क्षेत्रको उत्कृष्ट शाखाको अवार्ड प्रदान गर्ने निर्णय गरेको नेपाल जेसीजका राष्ट्रिय अध्यक्ष श्रीधर बस्यालले बताउनु भयो ।
यस क्षेत्रका शाखाहरुको कार्य सम्पादनका आधार उत्कृष्ट हुने शाखालाई यो अवार्ड प्रदान गरिने गरेको छ । यो अवार्डले शाखालाई थप प्रोत्साहन र हौषला मिलेको र आगामी दिनमा समेत अझ प्रभावकारी कामहरु गर्दै जाने शाखा अध्यक्ष राधिका पोखरेलले बताउनु भयो । उहाँले यो सफलता प्राप्त गर्नका लागि शाखाका संस्थापक अध्यक्ष, निर्वतामान अध्यक्ष, पूर्व अध्यक्षहरु तथा सम्पूर्ण बोर्डका साथीहरुको योगदान रहेको बताउनु भयो । 
