काठमाडौँ, भदौ २८ । बंगलादेशमा जारी साफ च्याम्पियनसिप फुटबलमा सहभागिता जनाउन गएका नेपाली फुटबल टोली बिहिबार स्वदेश फर्किएका छन् ।
सेमीफाइनलमा खराब हार बेहोर्दै बिहिबार नेपाली फुटबल टोली स्वदेश फर्किएका हुन् । बुधबार माल्दिभ्ससँग ३–० ले पराजित भएसँगै नेपाली टोली साफ च्याम्पियनसिपबाट बाहिरिएको हो । साफ च्याम्पियनसिपमा समूह चरणमा दुई खेलमा जित निकालेर समूह विजेता बनेको नेपाली टोली सेमीफाइनलमा गरेको कमजारे प्रदर्शनका कारण निराश बनेर स्वदेश फर्किएको हो ।
अखिल नेपाल फुटबल संघ एन्फाका पदाधिकारी र खेल प्रशंसकहरुले नेपाली खेलाडीलाई स्वागत गर्न त्रिभुवन अन्तराष्ट्रिय विमानस्थलमा स्वागत गरेका थिए ।
समूह चरणमा दुई खेलमा जित निकालेर समूह विजेता बनेको नेपाली टोली बुधबार भएको सेमिफाइनलमा माल्दिभ्ससँग ३–० ले पराजित भयो ।माल्दिभ्ससँगको सेमिफाइनलमा गरेको कमजोर प्रदर्शनका कारण साफको फाइनल पुग्ने सपना नेपाली सपना यो पटक पनि पूरा गर्न सकेन ।
समूह चरणको पहिलो खेलमा २–१ ले पराजित भएको नेपालले भुटानसँगको दोस्रो खेलमा ४–० र बंगलादेशविरुद्ध २–० को जित निकालेको थियो।
