कुमार खडका भदौ ३१ पथरी
पुर्वपश्चिम राजमार्गको मोरङको कानेपोखरी पथरी सडक खण्डमा आईतवार साझ भएको दुर्घटनामा परि झापा मेचिनगर नगरपालिका धुलाबारी वस्ने वर्ष ३० का राजु कार्कीको घटनास्थलमै मृत्यु छ भने खोटाङ नेर्पा ८ वस्ने वर्ष ३० का चन्द« बहादुर गुरुङ गम्भीर घाईते भएका छन् ।
पश्चिम बाट पुर्व आईरहेको ना ४० प १९४३ नम्वरको पल्सर मोटरसाईकल र पुर्व वाट पश्चिम गईरहेको बा १५ च २०६३ नम्वरको कार एक आपसमा ठक्कर खादा मोटरसाईकलमा पछाडी सवार रहेका कार्कीको मृत्यु भएको प्रहरीले बताएको छ । मृतक लाई पोष्टमार्टमका लागि उर्लावारी मंगलवारेको मंगलवारे अस्पतालमा राखिएको छ ।
मोटरसाईकलमा सवार २ जना मध्ये खोटाङ स्थायी ठेगाना भई हाल धरान वस्दै आएका गुरुङले चलाएको मोटरसाईकलले विपरीत दिसा मा रहेको कारलाई ठक्कर दिएको ईलाका प्रहरी कार्यालय पथरीका प्रमुख कमल वजगाईले बताए ।
गम्भिर घाईते भएका गुरुङकोे पथरी हस्पीटलमा उपचार सम्भव नभएपछि थप उपचारका लागि विराटनगरको विराट नर्सीङ होम रिफर गरिएको अस्पतालले जनाएको छ ।
एक प्रत्यक्ष दर्शीका अनुसार मोटरसाईकलमा सवार पछाडी बस्ने व्याक्ति कार र मोटरसाईकल ठक्कर खादा लगभग १० फुट माथी उडेर रोडमा बज्जारीको उनले बताए ।
कारमा कति जना सवार थिए र को को घाईते भए भनेर खुल्न अहिले सम्म नसकेको र उनिहरुको खोजी भईरहेको प्रहरीले जनाएको छ । दुर्घटनमा परि मोटरसाईकलको अगाडीको भाग छियाछिय भएको छ भने कारको अगाडीको भाग कुचिएको छ । घटनाको जानकारी साझ ६ वजे प्राप्त गरेको प्रहरीले जनाएको छ ।
